ETA MAIZ EZ DA BESTE EZER
Ohil
Hainbat zigilu, 2026

Ohil taldeko kideak ez ditu lozorroak hartu1; iazko apirilean ekarri genuen orri hauetara haien estreinako lana, Akorde beste orbain2, eta dagoeneko hemen dugu bigarren diskoa: Eta maiz3 ez da beste ezer. Musikari dagokionez, lehenengo diskoan irekitako ildoari jarraitzen diote, indarraren eta emozioaren arteko oreka zail horretan kulunka; zenbait doinutan, baina, halako distira moduko bat atzematen da, eta hitzetan ere nabari da garai ilun hauetan esperantza apur bat topatzeko gogoa. “Dena ilun ikusi arren, nahiz eta erori berriz, ez utzi saiatzeari”, diote Beti beltzaren alde kantuan. Argi-ilunetan da beste abesti baten izenburua; izan ere, ilunetik argira doan diskoa da Ohilen bigarrena.

Gotzon Hermosilla

1. Lozorroak hartu: lo sakonak hartu.
2. Orbain: cicatriz (es), cicatrice (fr).
3. Maiz: askotan, sarritan.

Harpidedunentzako sarbidea:

Gogora nazazu

Hil honetako AIZU! aldizkarian erreportaje gehiago aurkituko dituzu. Horrez gain, “Ez da hain fazila” gehigarria ere eskura dezakezu. Hainbat eduki biltzen ditu: "Galde Debalde?" ataltxoa gramatika-zalantzak argitzeko, denbora-pasak, lehiaketak... Kioskoetan salgai, harpidetza ere egin dezakezu, digitala nahiz paperekoa. Klikatu hemen.