Belgikako De Panne herrian (frantsesez, La Panne), apirilaren amaieran txapelketa xelebre¹ bat egin zuten: Kaioen² Karranka³ Imitatzeko Europako 6. Txapelketa (European Championship Gull Screeching). Parte-hartzaileek kaioen karranka eta portaera⁴ imitatu behar dituzte, kaioz mozorrotuta⁵. Lehiaketan, beraz⁶, soinua, mozorroa eta mugimenduak baloratzen dituzte, eta umorea ere kontuan hartzen dute. Txapelketa bitxia⁷ da, eta dibertigarria. Hain zuzen⁸, antolatzaileen helburua bisitariak erakartzea⁹ da. Beste helburu nagusi bat ere badauka: kaioen irudia hobetzea¹⁰. Izan ere¹¹, pertsona askok uste dute kaioak gogaikarriak¹² direla eta ez dituzte gustuko. Aurten¹³, Carine Gronholz norvegiarrak irabazi du txapelketa. Bigarren postua Olga Mendez Reus galiziarrak lortu du, eta hirugarrena Tom Dupont belgikarrak.

1. Xelebre: peculiar (es), particulier, -ière (fr).
2. Kaio: gaviota (es), goéland (fr).
3. Karranka: graznido (es), croassement (fr).
4. Portaera: comportamiento (es), comportement (fr).
5. Mozorrotu: disfrazar(se) (es), (se) déguiser (fr).
6. Beraz: por lo tanto (es), donc (fr).
7. Bitxi: curioso, -a (es), bizarre (fr).
8. Hain zuzen: precisamente (es), précisément (fr).
9. Erakarri: atraer (es), attirer (fr).
10. Hobetu: mejorar (es), améliorer (fr).
11. Izan ere: ya que (es), puisque (fr).
12. Gogaikarri: molesto, -a (es), ennuyeux, -euse (fr).
13. Aurten: este año (es), cette année (fr).