Adingabeak¹ sare sozialen eraginetik babesteko², erabilera³ mugatzea aztertuko du Europar Batasunak (EB). Bertako herrialdeetan kezka sortzen du gaiak. Horregatik, Europako Batzordeak aditu⁴-talde bati gaia aztertzeko eskatu zion martxoan. Adituek hainbat proposamen egin dituzte. Adibidez, 3 urtetik beherakoek pantailarik ez erabiltzea eta 13 urtetik beherakoei sare sozialetarako sarbidea⁵ mugatzea. Hau da, 13 urtetik beherakoen kasuan, gurasoek gainbegiratu⁶ beharko dituzte, eta denbora mugatua edukiko dute. 13 urtetik gorakoentzat, berriz⁷, sare sozial bakoitzaren arabera erabakiko dituzte neurriak. Europako Batzordeak begi onez ikusi⁸ ditu gomendioak⁹, eta udazkenean aurkeztuko dizkie EBko 27 herrialdeei. Orain arte, herrialde bakoitzak bere kabuz¹⁰ hartu ditu neurriak. Frantzian, adibidez, udan onartu zuten gazteei sare sozialak mugatzeko legea, baina Kontseilu Konstituzionalak geldiarazi egin du.

1. Adingabe: menor de edad (es), mineur, -e (fr).
2. Babestu: proteger(se) (es), (se) protéger (fr).
3. Erabilera: uso (es), usage (fr).
4. Aditu: experto, -a (es), expert, -e (fr).
5. Sarbide: acceso (es), accès (fr).
6. Gainbegiratu: supervisar (es), superviser (fr).
7. Berriz: en cambio (es), en revanche (fr).
8. Begi onez ikusi: ver con buenos ojos (es), voir d'un bon œil (fr).
9. Gomendio: recomendación (es), recommandation (fr).
10. Nor(k) bere kabuz: cada uno, -a por su cuenta (es), chacun de son côté (fr).