24. KORRIKA:

Munduan ere lasterka¹!

Euskarak ez du mugarik². Horren adibide da Korrika Munduan ekimena³: Euskal Herritik kanpo antolatzen dira Korrika herrikoiak⁴. Leku askotan egiten dira, eta euskal etxeek, euskara-ikasleek, euskara-irakasleek, laguntzaileek... antolatzen dituzte. Formatu txikikoak izaten dira eta euskararen aldeko mezua zabaltzen dute. Gainera, munduko euskaldunak aktibatzeko balio dute. Euskal Herritik kanpo bizi denak eta Korrika antolatu nahi duenak, Korrika Munduan ekimenarekin bat egin ahal du. Horretarako, Korrikarekin harremanetan jarri⁵ behar da, Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera idatziz. Eta munduan Korrika non egiten den jakiteko, Korrikaren webgunean (www.korrika.eus) begiratzea da onena. Bestalde⁶, AEK-Korrikak erronka⁷ bat jarri du martxan Korrikaren mezua munduan zabaltzeko. Nola? Korrikaren mezua ahalik eta⁸ hizkuntza gutxiagotu⁹ gehienetara itzulita¹⁰. Mezu hori Korrikaren webgunean dago.

“Ahizpa txikiak” ere lasterka

Munduan barrena¹¹ ere egiten da Korrika euskararen alde. Eta, aldi berean¹², Korrika beste hizkuntza gutxiagotu batzuentzat eredu¹³ da. Hala¹⁴, Korrikak “ahizpa txikiak” ditu munduko hainbat lekutan. Urtez urte, ekimen horiek ugaritu egin dira: katalanaren, galesaren, bretoieraren, gaelikoaren, korsikeraren eta beste zenbait¹⁵ hizkuntza gutxiagoturen alde egiten dira. Aurten, hiru hitzordu¹⁶ nagusi izango dira: katalanaren aldeko Correllengua, apirilaren 19tik maiatzaren 5era; okzitanieraren aldeko La Passem, apirilaren 30etik maiatzaren 9ra; eta bretoieraren aldeko Ar Redadeg, maiatzaren 8tik 16ra. Hiru “ahizpa txiki” horiek 24. Korrikan ere parte hartuko¹⁷ dute. Zehazki, lekukoa¹⁸ eramango dute Bilbon hiru ekimenetako ordezkariek¹⁹. Era berean²⁰, Korrikaren azken egunean, martxoaren 29an, gune²¹ berezi bat eskainiko zaie Korrikaren munduko lagunei: Etxepare gunea, Plaza Barrian.

1. Lasterka: korrika, antxintxika.
2. Muga: límite (es), limite (fr).
3. Ekimen: iniciativa (es), initiative (fr).
4. Herrikoi: popular (es), populaire (fr).
5. Harremanetan jarri: contactar (es), contacter (fr).
6. Bestalde: por otro lado (es), d'autre part (fr).
7. Erronka: desafío (es), défi (fr).
8. Ahalik eta... -ena: lo más... posible (es), le plus ou le moins... possible (fr).
9. Gutxiagotu: minorizado, -a (es), minorisé, -e (fr).
10. Itzuli: traducir (es), traduire (fr).
11. Barrena: a través de (es), à travers (fr).
12. Aldi berean: al mismo tiempo (es), en même temps (fr).
13. Eredu: modelo (es), modèle (fr).
14. Hala: así pues (es), donc (fr).
15. Zenbait: batzuk.
16. Hitzordu: cita (es), rendez-vous (fr).
17. Parte hartu: participar (es), participer (fr).
18. Lekuko: testigo (es), témoin (fr).
19. Ordezkari: representante (es), représentant (fr).
20. Era berean: asimismo (es), de la même manière (fr).
21. Gune: leku, toki, eremu.