Zientzialari txinatarrak zigarrokinekin lanean ari dira

Henango Unibertsitateko (Txina) ikertzaile¹-talde batek zigarrokinak² erabiltzeko modua aurkitu du, bateriak egiteko. Energy & Environment Nexus aldizkariaren arabera, prozesuak bi fase dauzka. Lehenengo, zigarrokinak “presio-lapiko³” batean sartzen dira, ikatz⁴ moduko bat lortzeko⁵. Gero, ikatz hori labe⁶ oso bero batean sartzen dute, oxigeno barik⁷. Prozesu horren ondorioz⁸, osagai⁹ berezi bat lortzen dute, estrategikoa bateriak egiteko. Orain, hurrengo erronka¹⁰ da egitasmoa¹¹ laborategitik kanpo probatzea, eskala handian. Aurrerapen zientifiko handia izan liteke¹², zigarrokinek kutsadura¹³ handia eragiten¹⁴ dutelako gure planetan: ez dira erraz desintegratzen eta urte asko irauten¹⁵ dute. Gainera, bitartean^16, nikotina eta metal astunak¹⁷ askatzen¹⁸ dituzte. Eta kontuan hartuta munduan milioika erretzaile¹⁹ daudela...

1. Ikertzaile: investigador, -a (es), chercheur, -euse (fr).
2. Zigarrokin: colilla (es), mégot (fr).
3. Lapiko: olla (es), cocotte (fr).
4. Ikatz: carbón (es), charbon (fr).
5. Lortu: obtener (es), obtenir (fr).
6. Labe: horno (es), fourneaur (fr).
7. Barik: sin (es), sans (fr).
8. -en ondorioz: como resultado de (es), à la suite de (fr).
9. Osagai: componente (es), composant, -e (fr).
10. Erronka: desafío (es), défi (fr).
11. Egitasmo: proiektu, plan.
12. Izan liteke: podría ser (es), pourrait être (fr).
13. Kutsadura: polución (es), pollution (fr).
14. Eragin: causar (es), causer (fr).
15. Iraun: perdurar (es), perdurer (fr).
16. Bitartean: mientras tanto (es), entre-temps (fr).
17. Astun: pesado, -a (es), lourd (fr).
18. Askatu: liberar (es), libérer (fr).
19. Erretzaile: fumador, -a (es), fumeur, -euse (fr).