“Gauza guztietan alde iluna ikusteko gaitasun paregabea daukat”
Idazle bat? Alice Munro.
Opari egiteko liburu bat? Infinitua ihi batean (Pamiela, 2021), Irene Vallejo Moreurena.
Irakurtzeko lekurik onena? Ohea.
Zer gosaltzen duzu? Kafea eta ogia olioa eta gomasioarekin edo marrubi marmeladarekin.
Bestondoari aurre egiteko erremediorik onena? Ibuprofenoa eta bainua itsasoan, ahal dela ur hotzetan.
Zein esaldi edo esakune errepikatzen duzu askotan? “Ai, ama!”.
Zertan ez zaizu inporta gehiegitxo gastatzea? Jatekoan.
Norekin joango zinateke trago batzuk hartzera? Donna Haraway-rekin.
Pertsonaia historiko bat? Simone de Beauvoir.
Zer dago traban zure etxean? Irakurri nahi ez ditudan liburuak.
Joateko asmoa daukazun leku bat? Sardinia.
Zure lehen mito erotikoa? James Spader.
Zure bertuterik onena? Jendetasuna1.
Zure akatsik handiena? Gauza guztietan alde iluna ikusteko gaitasun paregabea.
Besteengan errazen barkatzen duzun akatsa? Ego neurrigabea.
Eduki nahiko zenukeen eta ez daukazun dohaina? Baikortasuna.
Badakizu aurreskua dantzatzen? Garai batean jakin nuen.
Lurpera, erraustu ala zure gorpua zientzia ikerketarako? Lurpera, kotoizko2 maindire batean bilduta eta hilkutxarik gabe.
1. Jendetasun: don de gentes (es), sens du contact (fr).
2. Kotoi: algodón (es), coton (fr).
