Juan Luis Zabala

“Ulerbera naiz”

Idazle bat? Raymond Carver.
Opari egiteko liburu bat? Catherine Certitude (Patrick Modiano).
Irakurtzeko leku bat? Ohea.
Zer gosaltzen duzu? Kafesnea eta galletak.
Bestondoari¹ aurre egiteko erremedioa? Buelta bat bizikletaz.
Zein esaldi errepikatzen duzu askotan? "Hik ematen dituk² lanak, hik!"
Zertan ez zaizu inporta gastatzea? Eguneroko jatekoetan. 
Trago batzuk hartzera, norekin? Dominique A kantariarekin.
Pertsonaia historiko bat? Koldo Mitxelena.
Zerk egiten du traba³ zure etxean? Zaborretarako dauden arropak eta trasteak.
Joateko asmoa daukazun leku bat? Izoard mendatea⁴ (Alpeak). 
Zure lehen mito erotikoa? Ángela Molina Interviú aldizkarian.
Zure bertute bat? Ulerbera⁵ naiz.
Zure akats handi bat? Ulerbera naiz.
Besteengan, zer barkatzen duzu nahiko erraz? Beldurra.
Nahi bai, baina ez daukazun dohaina⁶? Jendetasuna⁷.
Badakizu aurreskua dantzatzen? Derrigorrezkoa bada, ez da nire iraultza.
Zure gorpua, zertarako? Zientzia-ikerketarako⁸, balio badu. Bestela, lurpera.

1. Bestondo: resaca (es), gueule de bois (fr).
2. Dituk: dituzu (hika).
3. Traba egin: estorbar (es), empêcher (fr).
4. Mendate: puerto de montaña (es), port de montagne (fr).
5. Ulerbera: comprensivo, -a (es), compréhensif, -ive (fr).
6. Dohain: cualidad (es), qualité (fr).
7. Jendetasun: sociabilidad (es), sociabilité (fr).
8. Ikerketa: investigación (es), recherche (fr).