Azaroaren 17an abiatuko da Donostiako AEKko Irakurle Klubaren ikasturte honetako irakurraldia. Groseko AEK euskaltegian egingo dira solasaldiak. Lehena, Miren Amurizaren Pleibak nobelari buruz. Ondoren, liburu hauek landuko dituzte: Amorante frantsesa (Miren Agur Meabe), abenduaren 15ean; Francesco Pasqualaren bosgarren arima (Unai Elorriaga), urtarrilaren 26an; Punto Bobo (Itsaso Martin), otsailaren 16an; Arrotza (Albert Camus), martxoaren 16an; Gizon barregarriak (Joxean Agirre), apirilaren 27an; eta Hetero (Uxue Alberdi), maiatzaren 18an. Bestalde, ikasturte honetan Mintzalagun egitasmo gehiago jarriko dira martxan: Oiartzunen, bigarren aldiz (2005-2006 ikasturtean eta besteren batean bikoteka elkartzeko proiektua egon zen); eta, estreinakoz1, Arbonan, Biarritzen eta Hazparnen, Euskararen Erakunde Publikoaren laguntzaz.
1. Estreinakoz: lehen aldiz, aurreneko aldiz.
