Maiatzean, asteburuko barnetegiak Etxarri Aranatzen

Udaberri honetan, asteburuko bi barnetegi antolatuko dira Etxarri Aranazko (Nafarroa) kanpinean: A2.2 eta B1 mailak, maiatzaren 8an, 9an eta 10ean; eta B2 eta C1 mailak, maiatzaren 15ean, 16an eta 17an (ez dira izango azterketak prestatzeko ikastaroak, euskaran murgilduta¹ bizitzekoak baizik). Bi asteburu horietan, euskara praktikatzeko hainbat dinamika eta eskola egongo dira, ostiral gauetik igande arratsaldera bitartean. Aukera aproposa² izango da euskaltegi, akademia, ikastola edo eskolaren batean norberaren kabuz³ edo eskola partikularretan ikasten ari den edo ikasi duen 18 urtetik gorako edonorentzat. Hala, parte hartzen dutenek eskoletan ikasitako guztia praktikan jartzeko eta ikasprozesuan aurrera egiteko aukera izango dute, baita jende euskalduna ezagutu eta giro onean bizitzekoa ere.
Prezioa 210 eurokoa da (Nafarroan erroldatutakoek⁴ Euskarabidearen dirulaguntza eskatzeko aukera dute), eta izen-ematea apirilaren 23ra arte egongo da zabalik. Informazio gehiago, AEKren euskaltegietan, Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. posta-helbidean edo 607 60 80 36 telefono-zenbakian.

1. Murgildu: sumergir(se) (es), (s')immerger (fr).
2. Apropos: adecuado, -a (es), adéquat, -e (fr).
3. Nor(k) bere kabuz: bakarrik, irakaslerik gabe.
4. Erroldatu: empadronar(se) (es), recenser (fr).